By Rhein Digdigan

Date: August 25, 2023

Ika-25 ng Agosto taong 2023, isinagawa ang Banal na Misa bilang panimula ng selebrasyon ng Buwan ng Wika na pinangunahan ni Rev. Fr. Dionisio Vargas Palingping. 

Sa kanyang mensahe, ipinaliwanag niya ang kahalagahan ng pagmamahal, katapatan, at kabutihan sa harap ng mga pagsubok. Ayon kay Rev. Fr. Palingping: “Ang tunay na pagmamahal ay nagmumula sa tapat na puso." Ipinakita niyang halimbawa si Ruth at Naomi mula sa Bibliya. 

Ang mensahe ng pari ay naglalayong iparating ang kahalagahan ng pagkakaroon ng malasakit at pagmamahal sa ating kapwa sa lahat ng pagkakataon. Ito ay isang gawain na nagbibigay-kasiyahan sa Diyos at nagdadala ng Kanyang mga pagpapala sa atin. Ipinapaabot ng pari ang hamon sa mga estudyante na mahalin ang bawat isa upang makamtan ang tunay na kapayapaan.